जळगाव आरपीएफच्या पथकाची कारवाई
जळगाव [प्रतिनिधी] – डमी आयडी कार्डचा वापर करून लाखो रुपयांची ई-रेल्वे तिकिट विक्री करणाऱ्या एकास आज गुरुवारी १ ऑक्टोबर रोजी शहरातील तेली चौक परिसरातून जळगाव आरपीएफच्या पथकाने गजाआड केले आहे. त्याला शुक्रवारी कोर्टात हजर करण्यात येणार आहे.
मिळालेल्या गोपनीय माहितीवरून रेल्वे पोलीस दल, क्राईम ब्रांचने थेट कारवाई केली. गुरुवारी दुपारी १ वाजता जुने जळगावातील तेली चौकातून संदीप किराणा येथून पंकज आनंदा बारी (वय ३२) यास ताब्यात घेतले. रेल्वे ई -तिकीट विक्रीचा काळाबाजार करणाचा संशय त्याच्यावर आहे. त्याने लाखो रुपयांची तिकिटे विक्री केल्याचा संशय आहे. तसेच १ लॅपटॉप व २ मोबाईल, जुन्या तिकिटांचे पीएनआर नम्बर जप्त करण्यात आले आहे.
पंकज आनंदा बारी याला अटक करण्यात आली आहे. कारवाई पोलीस निरीक्षक सी.एस.पटेल, उपनिरीक्षक जी.एम.ढेंगे, एस.जी.शिंदे, प्रमोद सांगळे यांनी केली.
एक व्हॅलीड आयडी असतांना दुसर्या डमी आयडी वापरून रेल्वे तिकीटांची अफरातफर करत असल्याची माहिती रेल्वे सायबर सेल ला मिळाली होती. त्यानुसार आज दुपारी ही कारवाई केली असल्याची माहिती रेल्वे स्टेशन पोलीस निरीक्षक सी.एस.पटेल यांनी दिली.
