जळगाव जिल्ह्यात उच्चांक ; ३१६ रुग्ण पॉझिटिव्ह आढळले
जळगाव;- जिल्ह्यातील कोरोना रुग्नांच्या संख्येने आज त्रिशतकाचा पल्ला गाठत उच्चांक ठोकला असून आज तब्बल ३१६ कोरोना पॉझिटिव्ह रुग्ण आढळले आहेत. सर्वाधिक जळगाव शहरात ७८ रुग्ण आढळले आहेत . जिल्ह्यात एकूण कोरोना बाधीतांचा आकडा ६९७० इतका झालेला आहे.
प्रशासनाकडून प्राप्त माहिती नुसार आज जिल्ह्यात एकूण ३१६ कोरोना बाधीत रूग्ण आढळून आले आहेत. यात जळगाव ७८, भुसावळ ४४ आणि एरंडोल २६ जळगाव ग्रामीण १९, अमळनेर १५, चोपडा-७, पाचोरा-६; भडगाव-१; धरणगाव-१४; यावल-४; एरंडोल-२६; जामनेर -१६, रावेर २०, पारोळा-३; चाळीसगाव १५ व मुक्ताईनगर १६, बोदवड-१ अशी कोरोना बाधीतांची संख्या आहे.
यातील ४२३५ रूग्ण बरे झाले आहेत. तर एकुण उपचार घेत असलेले २३७७ रूग्ण आहेत. तसेच सध्या कोविड केअर सेंटरमध्ये-१५७७; कोविड हॉस्पीटलमध्ये-१७४ तर डेडीकेटेड कोविड हॉस्पीटलमध्ये ५१४ रूग्णांवर उपचार सुरू आहेत. आज ६ मृत्यू झाले असून आजवरील मृतांची संख्या ३५८ इतकी असल्याचे प्रशासनाने जाहीर केले आहे.
