धरणगावात बंद घर फोडून ४२ हजारांचा ऐवज लंपास
कुलूप तोडून चोरट्यांचा घरात प्रवेश;गुन्हा दाखल
जळगाव, प्रतिनिधी : धरणगाव तालुक्यातील रोटवद येथे बंद घराचे कुलूप तोडून अज्ञात चोरट्यांनी सोन्याची अंगठी आणि रोख रक्कम असा एकूण ५४ हजार रुपयांचा ऐवज चोरून नेला. ही घटना २६ ऑक्टोबरच्या रात्री घडल्याचा अंदाज असून, याप्रकरणी २८ ऑक्टोबर रोजी धरणगाव पोलिस ठाण्यात गुन्हा दाखल करण्यात आला आहे.
याबाबत आनुकबाई भावलाल पाटील (वय ६५) यांनी फिर्याद दिली आहे. अज्ञात चोरट्याने बंद घराच्या दरवाजाचे कुलूप कशाच्या तरी साहाय्याने तोडून आत प्रवेश केला. त्यानंतर घरातील गोदरेज कपाट आणि लोखंडी पेटीचे कुलूप तोडून त्यातील मौल्यवान वस्तू व रोकड चोरून नेली.
चोरीस गेलेल्या ऐवजात ४२ हजार रुपये किमतीची सोन्याची अंगठी आणि १२ हजार रुपये रोख रकमेचा समावेश आहे. या प्रकरणी धरणगाव पोलिस ठाण्यात गुन्हा रजिस्टर क्रमांक ३८०/२०२६ अन्वये भारतीय न्याय संहितेच्या संबंधित कलमानुसार गुन्हा नोंदविण्यात आला आहे.घटनेचा पुढील तपास पोलीस हेड कॉन्स्टेबल सुधीर चौधरी करीत आहेत.
