भुसावळ (प्रतिनिधी) :- बसने प्रवास करत असताना महिलेच्या पिशवीतील सुमारे ६ लाख ७० हजार रुपयांचे सोन्याचे दागिने अज्ञात चोरट्याने लंपास केल्याची घटना समोर आली आहे. या प्रकरणामुळे शहरात खळबळ उडाली असून पोलीस तपास सुरू आहे.
मिळालेल्या माहितीनुसार, पीडित महिला नंदा सुरेश गोराडकर (वय ५९, रा. भुसावळ) या ०२ मे २०२६ रोजी सकाळी ८.३० ते दुपारी ४.०० दरम्यान भुसावळ ते रावेर या मार्गावर बसने प्रवास करत होत्या. याच दरम्यान अज्ञात चोरट्याने त्यांच्या पिशवीतील सोन्याचे दागिने चोरून नेले.
चोरीस गेलेला ऐवज :-सोन्याच्या बांगड्या – अंदाजे ₹3,00,000,गंठण व पेंडल – ₹1,50,000, चपला हार – ₹1,00,000, नेकलेस – ₹60,000
कानातील दागिने – ₹30,000, अंगठ्या – ₹30,000,एकूण नुकसान : ₹6,70,000
या प्रकरणी ०५ मे २०२६ रोजी रात्री ९.१५ वाजता भुसावळ बाजारपेठ पोलीस ठाण्यात गुन्हा दाखल करण्यात आला आहे. अज्ञात आरोपीविरुद्ध संबंधित कलमांनुसार गुन्हा नोंदवण्यात आला आहे.या प्रकरणाचा तपास पोलीस निरीक्षक राहुल टी. वाघ यांच्या मार्गदर्शनाखाली सुरू असून, पुढील तपास पोलीस अधिकारी मंगेश जाधव करीत आहेत. बसस्थानक परिसरातील सीसीटीव्ही फुटेज तसेच प्रवाशांची चौकशी केली जात आहे. प्रवासादरम्यान मौल्यवान वस्तूंची काळजी घ्यावी, संशयास्पद व्यक्ती आढळल्यास तत्काळ पोलिसांना माहिती द्यावी, असे आवाहन पोलिसांकडून करण्यात आले आहे.
