जळगाव (प्रतिनिधी):- येथील डॉ. उल्हास पाटील फिजिओथेरपी महाविद्यालयात भारतीय राज्यघटनेचे शिल्पकार, महामानव डॉ. बाबासाहेब आंबेडकर यांची जयंती मोठ्या उत्साहात आणि आदराने साजरी करण्यात आली.
या मंगल समयी महाविद्यालयाचे प्राचार्य डॉ. जयवंत नागुलकर यांच्या हस्ते डॉ. बाबासाहेब आंबेडकर यांच्या प्रतिमेला पुष्पहार अर्पण करून विनम्र अभिवादन करण्यात आले. यावेळी उपस्थितांनी डॉ. बाबासाहेबांच्या कार्याचे आणि विचारांचे स्मरण केले.
याप्रसंगी महाविद्यालयाचे प्रशासकीय अधिकारी राहुल गिरी, प्राध्यापक चित्रा मृदा, अमित जैस्वाल, आशिष पाटील, अनुराग मेहता यांच्यासह महाविद्यालयातील इतर शिक्षक आणि शिक्षकेतर कर्मचारी मोठ्या संख्येने उपस्थित होते. सर्वांनी प्रतिमेला पुष्प अर्पण करून महामानवास मानवंदना दिली. अत्यंत उत्साहपूर्ण वातावरणात हा सोहळा संपन्न झाला.
