एमआयडीसी पोलिसांत गुन्हा दाखल
जळगाव (प्रतिनिधी) – शिरसोली प्र.बो. परिसरातील नायगाव शिवारातून अज्ञात चोरट्यांनी २७ हजार रुपये किमतीची तांब्याची इलेक्ट्रिक वायर चोरून नेल्याची घटना उघडकीस आली आहे. याप्रकरणी एमआयडीसी पोलीस ठाण्यात अज्ञात चोरट्यांविरुद्ध गुन्हा दाखल करण्यात आला आहे.
शिरसोली प्र.बो. येथील रहिवासी रघुनाथ विश्वनाथ बारी (वय ५२) यांचे शिरसोली शिवारातील सज्जमशाह महारी नायगाव भागात शेत आहे. दिनांक ३१ मार्च २०२६ रोजी सकाळी १० वाजेच्या सुमारास अज्ञात चोरट्यांनी त्यांच्या शेतातून इलेक्ट्रिक वायरची चोरी केली.
चोरट्यांनी बारी यांच्या शेतातून विविध मुद्देमाल लंपास केला आहे. एकूण २७,००० रुपये किमतीचा माल चोरट्यांनी चोरून नेला आहे. याप्रकरणी रघुनाथ बारी यांनी ९ एप्रिल २०२६ रोजी दिलेल्या फिर्यादीवरून एमआयडीसी पोलीस ठाण्यात भारतीय न्याय संहिता कलम ३०३(२) प्रमाणे गुन्हा नोंदवण्यात आला आहे. या घटनेचा पुढील तपास पोलीस उपनिरीक्षक चंद्रकांत धनके यांच्या मार्गदर्शनाखाली सहाय्यक फौजदार अधिकारी पाटील करत आहेत. अद्याप या प्रकरणात कोणालाही अटक करण्यात आलेली नाही.
