रेल्वे प्रवाशांसाठी महत्त्वाची बातमी
भुसावळ (प्रतिनिधी):- मध्य रेल्वेने प्रवाशांच्या सोयीसाठी आणि तांत्रिक कारणास्तव भुसावळ विभागातून धावणाऱ्या निवडक मेल आणि एक्सप्रेस गाड्यांच्या वेळापत्रकात बदल करण्याचा निर्णय घेतला आहे. यामध्ये अमरावती एक्सप्रेस, नागपूर दुरांतो आणि विदर्भ एक्सप्रेस यांसारख्या महत्त्वाच्या गाड्यांचा समावेश असून, हे नवे वेळापत्रक १४ एप्रिल २०२६ पासून टप्प्याटप्प्याने लागू होणार आहे.
रेल्वे प्रशासनाने दिलेल्या माहितीनुसार, खालील गाड्यांच्या आगमन आणि प्रस्थान वेळेत सुधारणा करण्यात आली आहे:
प्रमुख गाड्यांचे सुधारित वेळापत्रक
१२२८९ CSMT-नागपूर दुरांतो एक्सप्रेस: आता ही गाडी मुंबईहून (CSMT) रात्री १९.५५ ऐवजी २०.३५ वाजता सुटेल. भुसावळला ती रात्री ०२.४५ वाजता पोहोचेल.
१२१११ CSMT-अमरावती एक्सप्रेस: नाशिकरोड (००.१५), जळगाव (०३.१३), भुसावळ (०३.४०), अकोला (०६.१०) आणि बडनेरा येथे सकाळी ०७.५७ वाजता पोहोचेल. अमरावतीला पोहोचण्याची वेळ सकाळी ०८.३५ असेल.
१२१०५ विदर्भ एक्सप्रेस: बडनेरा येथे सकाळी ०५.५८ वाजता आगमन आणि ०६.०० वाजता प्रस्थान होईल.
१२२९० नागपूर-CSMT दुरांतो: बडनेरा येथे रात्री २२.१० वाजता, तर भुसावळला मध्यरात्री ००.५० वाजता पोहोचेल.
बडनेरा स्थानकावरील इतर बदल:
बडनेरा स्थानकावर थांबणाऱ्या अनेक गाड्यांच्या वेळेतही बदल झाला आहे:
अहमदाबाद-पुरी (१२८४४ / २०८६२) व गांधीधाम-पुरी (२२९७३): या तिन्ही गाड्या बडनेरा येथे सकाळी ०८.०२ वाजता येतील.
हावडा मेल (१२८०९): बडनेरा आगमन सकाळी ०८.१० वाजता.
अजनी-पुणे साप्ताहिक एक्सप्रेस (२२१४० / २२१२४): बडनेरा आगमन रात्री २२.३३ वाजता.
अमृत भारत एक्सप्रेस (१९०२२): बडनेरा आगमन रात्री २२.२० वाजता.
प्रवाशांना आवाहन
वेळापत्रकातील हे बदल १४ एप्रिलपासून वेगवेगळ्या तारखांना लागू होणार आहेत. तरी प्रवाशांनी आपल्या प्रवासाचे नियोजन करण्यापूर्वी रेल्वेच्या अधिकृत संकेतस्थळावर किंवा ‘नॅशनल ट्रेन इन्क्वायरी सिस्टम’ (NTES) वर खात्री करून घ्यावी, असे आवाहन रेल्वे प्रशासनाकडून करण्यात आले आहे.
