जळगाव (प्रतिनिधी) – नवीपेठेतील एटीएमवर जाणाऱ्या निवृत्त प्राध्यापक गयास अहमद उस्मानी (वय ६१, रा. सालारनगर) यांचे एटीएम कार्ड कुणीतरी बदलून टाकल्याचे उघड झाले असून, त्यामुळे त्यांच्या खात्यातून एकूण २५ हजार रुपये परस्पर काढले गेले आहेत; हा प्रकार दि.६ ऑक्टोबरला घडला असून प्राध्यापकांनी दि.८ ऑक्टोबरला शहर पोलिस ठाण्यात तक्रार नोंदवली आहे.
उसमानी यांचे पंजाब नॅशनल बँकेत बचत खाते असून ते ६ ऑक्टोबर रोजी एटीएमद्वारे पैसे काढत असताना एका अनोळखी व्यक्तीने मदतीचा बहाणा करून त्यांचे कार्ड बदलले, असे प्राथमिक तक्रारीत नमूद आहे; पेसे निघत नसल्याने ते परत गेले, परंतु नंतर त्यांना त्यांच्या मोबाईलवर १० हजार, पुन्हा १० हजार आणि नंतर ५ हजार रु. काढल्याचे मेसेज आले आणि एकूण रक्कम २५ हजार रुपये झाली. बँकेकडे याबाबत माहिती दिल्यावर प्रारंभी पैसे परत मिळतील, असे सांगितले गेले, तरी परिस्थिती पाहता फसवणुकीचा संशय दृढ झाला.
सदर प्रकरणी उस्मानी यांनी दिलेल्या तक्रारीवरून शहर पोलिस ठाण्यात अनोळखीविरुद्ध गुन्हा दाखल करण्यात आले असून पुढील तपास पोहेकॉ जितेंद्र तावडे करीत आहेत.
