जळगाव तालुक्यातील शिरसोली येथील घटना
जळगाव ( प्रतिनिधी ) – तालुक्यातील शिरसोली प्र. न. येथील रहिवासी तरुणानी राहत्या घरी गळफास घेऊन आत्महत्या केल्याची धक्कादायक घटना गुरुवार दि. १६ ऑक्टोबर रोजी संध्याकाळी ६ वाजेच्या सुमारास उघडकीस आली आहे. या प्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
अजीज गफार पिंजारी (वय ४२, रा. शिरसोली प्र.न. मूळ सुरत, गुजरात) असे मयत तरुणाचे नाव आहे. तो शिरसोली येथे पत्नी, एक मुलगा, एक मुलगी यांच्यासह राहत होता. तर त्याच्या गावाला सुरत येथे आई-वडील राहतात. हात मजुरी करून तो परिवाराचा उदरनिर्वाह करीत होता. दरम्यान गुरुवारी दिनांक १६ ऑक्टोंबर रोजी राहत्या घरी त्याने गळफास घेऊन आत्महत्या केली. कुटुंबीयांच्या लक्षात आले असता त्यांनी एकाच हंबरडा फोडला.
ग्रामस्थांच्या मदतीने अजिज पिंजारी याला शासकीय वैद्यकीय महाविद्यालय व रुग्णालयात उपचारासाठी दाखल केले असता वैद्यकीय अधिकाऱ्यांनी तपासून मयत घोषित केले. यावेळी कुटुंबीयांनी मन हेलावणारा आक्रोश केला. आत्महत्येचे कारण समजून आले नाही. घटनेप्रकरणी शिरसोली गावात शोककळा पसरली असून एमआयडीसी पोलीस स्टेशनला मृत्यूची नोंद करण्यात आली आहे.
