नशिराबाद पोलिसांची ओरिसा राज्यात यशस्वी शोधमोहीम
जळगाव (प्रतिनिधी) : तालुक्यातील नशिराबाद पोलीस स्टेशन हद्दीतून २ महिन्यापूर्वी भुसावळ शहरातील बेपत्ता झालेल्या तरुणाचा पोलिसांनी कसून शोध घेतला. यात मुलाच्या बँकखात्याच्या व्यवहारावरून तांत्रिक विश्लेषणाद्वारे माग काढून चक्क ओरिसा राज्यातील जगन्नाथ पुरी येथून ताब्यात घेतले. तरुणाला पालकांच्या स्वाधीन करण्यात आले असून पालकांनी पोलिसांचे आभार मानले आहे.
नशिराबाद पोलीस स्टेशन येथे दि. १८ जुलै रोजी बेपत्ता झाल्याची नोंद दाखल होती. सदर मुलगा नामे जय संजयकुमार जावरे (वय १८ वर्ष ३ महीने, रा. राजेश्वर नगर, रिंग रोड, भुसावळ) हा दि. १७ जुलै रोजी नशिराबाद येथुन कोणास काहीएक न सांगता निघुन गेला होता. तरुणाने त्याचा मोबाईल नंबर बंद करुन दिला होता. त्याचे कुठल्याही प्रकारे लोकेशन मिळत नव्हते.(केसीएन)परंतु पोलीस अधीक्षक रेड्डी, अपर पोलीस अधीक्षक अशोक नखाते,उपविभागीय पोलीस अधीकारी संदीप गावीत यांचे मार्गदर्शन घेवुन सहा. पोलीस निरी. ए. सी. मनोरे यांनी सदर प्रकरणात सहा. फौज. राजेश मेंढे, पो.हे.कॉ. कमलाकर बागुल व मिसींगचे चौकशी अंमलदार पो.हे.कॉ. प्रशांत विरणारे, पोकों, प्रकाश कोळी यांचे तपासपथक नेमले होते. सदर तपास पथकातील पोलीस अंमलदार यांनी कुठलाही धागादोरा नसतांना, सदर बेपत्ता मुलाचे बँक व्यवहार तपासले असता त्यावरुन व्यवहार झाल्याचे समजले.
सदर तपास पथकाने सायबर पोलीस स्टेशनचे पोलीस अंमलदार पो.हे.कॉ. शिवनारायण देशमुख, पो.हे.कॉ. दिलीप चिंचोले, पो.ना. सचीन सोनवणे, पो.कॉ. दिपक सोनवणे यांचे मदतीने तांत्रीक माहीती घेवुन सदर व्यवहाराचे विश्लेषण केले.(केसीएन)त्यावरुन बेपत्ता मुलगा हा ओरीसा राज्यात जगन्नाथ पुरी येथे असल्याचे समजुन आल्याने, वरील पोलीस तपास पथकातील अंमलदार यांनी जगन्नाथ पुरी येथे जावुन दोन दिवस थांबुन अथक परीश्रम घेवुन एवढ्या मोठ्या शहरात सदर मुलाचा शोध घेतला. त्यास दि. २० सप्टेंबर रोजी सुमारे २ महीन्यानंतर सुखरुप परत आणुन त्याचे पालकांचे स्वाधीन करुन कौतुकास्पद काम केले आहे. वरिष्ठ अधिकाऱ्यांनी नशिराबाद पोलीस स्टेशनचे वरील नमुद पोलीस पथकातील अधीकारी व पोलीस अंमलदार यांचे कौतुक केले आहे.
