खळबळ : अल्पवयीन मुलीवर दोघांनी बलात्कार करून व्हिडीओ गावभर केला व्हायरल,  चुलत भावाचेही कुकर्म !

जळगाव (प्रतिनिधी) – चाळीसगाव तालुक्यातील एका गावात १६ वर्षीय अल्पवयीन तरुणीवर तिच्या चुलत भावाने बलात्कार केला तसेच गावातील आणखी दोन जणांनी पाच ते सहा वेळा बलात्कार करून तिचा व्हिडिओ केला. हा व्हिडिओ गावात व्हायरलदेखील केला. या अत्याचारातून ही १६ वर्षीय तरुणी गर्भवती राहिली. या प्रकरणी चाळीसगाव ग्रामीण पोलीस स्टेशनला गुन्हा दाखल करण्यात आला असून तिघांना अटक करण्यात आली आहे.

चाळीसगाव तालुक्यातील एका गावात ही १६ वर्षीय तरुणी राहते. तिने दिलेल्या फिर्यादीनुसार, तिचा चुलत भाऊ याने शेतामध्ये नेऊन तिच्याशी जबरदस्ती करून बलात्कार केला. तसेच कोणाला काही सांगू नये म्हणून धमक्या दिल्या. याचबरोबर २ संशयित आरोपी नाना दीपक मोरे व पवन रावसाहेब मोरे यांनी तरुणी घरी एकटी असताना जबरदस्तीने घरात शिरून आळीपाळीने बलात्कार केला. तसेच कोणाला सांगितले तर घरच्यांना मारून टाकण्याची धमकी दिली.

त्यानंतर पुन्हा एकदा त्यांनी घरी एकटी असताना पाहून तिच्यावर बलात्कार केला आहे. तरुणी सोबत शरीरसंबंध करताना व्हिडिओ काढून त्यांनी गावात वायरल देखील केला.या अत्याचारातून सदर तरुणी ही गरोदर देखील राहिली आहे. या अमानुष घटनेबद्दल चाळीसगाव ग्रामीण पोलीस स्टेशनला गुन्हा दाखल करण्यात आला असून तपास पोलीस निरीक्षक शशिकांत पाटील करीत आहेत. दरम्यान या धक्कादायक घटनेमुळे चाळीसगाव तालुका हादरला आहे.