भडगाव तालुक्यात रेल्वेरुळावर घडली घटना
भडगाव (प्रतिनिधी) – तालुक्यात कजगाव ते चाळीसगाव रेल्वे स्थानकादरम्यान रेल्वेरुळावर खंबा क्रमांक ३४६ नजीक धावत्या रेल्वेखाली सापडून एका २४ वर्षीय नवविवाहित तरुणाचा दुर्दैवी मृत्यू झाल्याची घटना शनिवारी दि. २ ऑगस्ट रोजी पहाटेच्या सुमारास उघडकीस आली आहे. पाचोरा लोहमार्ग दूरक्षेत्र पोलिसात अकस्मात मृत्यूची नोंद करण्यात आली आहे.
दुर्गेश भानुदास महाजन (वय २४ वर्ष, रा. कजगाव ता.भडगाव) असे मयत तरुणाचे नाव आहे. त्याच्या पश्चात आई-वडील, लहान भाऊ, पत्नी असा परिवार आहे. सामाजिक कार्यकर्ते तथा ज्येष्ठ पत्रकार भानुदास महाजन यांचे ते ज्येष्ठ चिरंजीव होते.(केसीएन)दुर्गेश महाजन यांचे शिक्षण बी. फार्मसी झाले आहे. नाशिक येथील खाजगी कंपनीत तो नोकरीला होता. अवघ्या तीन महिन्यापूर्वी त्याचा विवाह झाला होता. शनिवारी कजगाव ते चाळीसगाव रेल्वे स्थानकादरम्यान रेल्वेरुळावर खंबा क्रमांक ३४६ नजीक धावत्या रेल्वेखाली सापडून दुर्गेश महाजनचा दुर्दैवी मृत्यू झाला. घटनास्थळाचा पंचनामा करून पोलिसांनी मृतदेह पाचोरा ग्रामीण रुग्णालयात दाखल केला. मृत्यूचे नेमके कारण समजू शकले नाही. पाचोरा लोहमार्ग दूरक्षेत्र पोलिसात अकस्मात मृत्यूची नोंद करण्यात आली आहे. घटनेचा पुढील तपास पाचोरा लोहमार्ग पोलीस दूरक्षेत्रातील पोलीस हवालदार लक्ष्मण पवार हे करीत आहेत कजगाव मध्ये शोककळा पसरली आहे.
