पारोळा तालुक्यातील दगडी सबगव्हाण गावाजवळ घटना
पारोळा ( प्रतिनिधी ) – शेतातून घरी येत असतांना बैलगाडी चालवित असतांना तोल लावून पडल्याने झालेल्या डोक्याला गंभीर दुखापतीमुळे शेतकऱ्यांचा उपचारादरम्यान दुदैवी मृत्यू झाल्याची घटना दगडी सबगव्हाण गावाजवळ घडली आहे. याबाबत पारोळा पोलीस ठाण्यात अकस्मात मृत्यूची नोंद करण्यात आली आहे.
शिवाजी विठ्ठल पाटील (वय ६८ रा. दगडी सबगव्हाण ता. पारोळा) असे मयत शेतकऱ्याचे नाव आहे. तालुक्यातील दगडी सबगव्हाण येथे राहणारे शिवाजी पाटील हे कुटुंबियासह वास्तव्याला होतो. शेतीचे काम करून ते उदरनिर्वाह करत होते. ३ जुन रोजी सायंकाळी साडेपाच वाजेच्या सुमारास ते शेतातून बैलगाडीने घरी येत असतांना त्यांचा तोल जावून खाली पडल्याने त्यांच्या डोक्याला गंभीर दुखापत झाली. रुग्णालयात देण्यात आले असता त्यांचा मृत्यू झाल्याची माहिती तपासून वैद्यकीय अधिकाऱ्यांनी दिली. याबाबत पारोळा पोलीस ठाण्यात अकस्मात मृत्यूची नोंद करण्यात आली आहे. पुढील तपास पोहेकॉ कैलास साळुंखे हे करीत आहे.
