भडगाव बसस्थानक परिसरातील प्रकार
भडगाव (प्रतिनिधी) : – येथील बसस्थानक परिसरात एका हॉटेलमध्ये पाणी पिण्यासाठी गेलेल्या वयोवृद्ध व्यक्तीची १ लाख रुपयाचे बंडल असलेली पिशवी लांबवण्याचा प्रकार आज दि. २७ जून रोजी सकाळी ८ वाजता हाती आली आहे. याप्रकरणी भडगाव पोलीस स्टेशनला गुन्हा दाखल करण्यात आला आहे.
दि. २७ जून रोजी दुपारी ३ वाजेच्या सुमारास भगवान पाटील हे स्वतः जवळील अंगठी व सोने बँकेत तारण ठेवून बँकेमधून काढलेले १ लाख रुपये त्याच्या जवळील लाल कापडी पिशवीमध्ये ठेवून निघाले होते. पाणी पिण्यासाठी वडगाव बस स्टॅन्ड जवळील हॉटेल भोईराज मध्ये गेले असताना त्यांच्या जवळ असलेल्या अनोळखी इसमाने त्यांची नजर चुकवून हॉटेलमधील मुरमुऱ्याच्या पोत्यावर ठेवलेली पैशांची पिशवी घेऊन पोबारा केला. भगवान धर्मसिंह पाटील )वय ५१, रा. नाचनखेडा) यांचे फिर्यादीवरून भडगाव पोलीस स्टेशन येथे दि. २७ जून रोजी अज्ञात चोरट्याविरुद्ध गुन्हा दाखल करण्यात आला असून गुन्ह्याचा पुढील तपास भडगाव पोलीस स्टेशनचे पोलीस निरीक्षक पांडुरंग पवार यांचे मार्गदर्शनाखाली पोलीस हवालदार विजय जाधव हे करीत आहे.
