जळगाव शहरातील छ. शिवाजीनगर येथील घटना
जळगाव (प्रतिनिधी) – शहरातील छत्रपती शिवाजी नगर येथे जुन्या वादातून एका तरूणाला तीन जणांनी शिवीगाळ करत चाकूने वार करून दुखापत केली तर इतरांनी मोठा दगड पायावर टाकल्याने पाय फ्रॅक्चर केल्याची घटना २३ मे रोजी रात्री ९.३० वाजता घडली आहे. याप्रकरणी शनिवारी २४ मे रोजी जळगाव शहर पोलीस ठाण्यात गुन्हा दाखल करण्यात आला आहे.
गजानन विकास बाविस्कर (वय ३० रा. छत्रपती शिवाजी नगर, हुडको, जळगाव) हा तरूण खासगी कंपनीत नोकरीला आहे. दि. २३ मे रोजी रात्री ९.३० वाजता जुन्या वादातून मनिष रामू बिऱ्हाडे, संगम देवा भोई आणि क्रिष्णा पांडूरंग सोनवणे (सर्व रा. जळगाव) यांनी शिवीगाळ करत चाकूने गजानन बाविस्कर याच्या डोक्यावर व हातावर वार केले. तर इतरांनी त्यांच्या छातीवर आणि पायावर दगड टाकून पाय फ्रॅक्चर केला आहे. दरम्यान ही घटना घडल्यानंतर मारेकरी घटनास्थळाहून पसार झाले. जखमीला शासकीय रूग्णालयात उपचारार्थ दाखल करण्यात आले. याप्रकरणी गजानन बाविस्कर यांनी दिलेल्या फिर्यादीवरून तिघांवर जळगाव तालुका पोलीस ठाण्यात गुन्हा दाखल करण्यात आला आहे. पुढील तपास पोहेकॉ ओमप्रकाश सोनी हे करीत आहे.
