जळगाव – येथील गोदावरी नर्सिंग महाविद्यालयात सोमवारी आंतरराष्ट्रीय मिडवाईफ डे निमीत्त कार्यक्रम घेण्यात आला. या कार्यक्रमात प्रसूतीनंतर बाळंतीणीची काळजी घेणार्या परिचारीकांबद्दल कृतज्ञता व्यक्त करण्यात आली.
दरवर्षी ५ मे रोजी आंतरराष्ट्रीय मिडवाईफ (सुईणी) दिन साजरा केला जातो. गोदावरी कॉलेज ऑफ नर्सिंग, जळगाव येथे प्रसूती आणि स्त्रीरोग विभागाने मिडवाईफ (सुईणी): प्रत्येक संकटात गंभीर या विषयावर आंतरराष्ट्रीय मिडवाईफ (सुईणी) दिन २०२५ साजरा केला. या कार्यक्रमात प्रत्येक संकटात सुईणींना प्रतिसाद देणार्या बातम्या नेहमीच नाट्यमय नसतात. कधीकधी, संकट म्हणजे आरोग्यसेवेची उपलब्धता नसलेली आई. खूप लवकर जन्मलेले बाळ. प्रत्येक शांत आपत्कालीन परिस्थितीत, मिडवाईफ (सुईणी) असतात. त्यांच्या महत्त्वपूर्ण भूमिके असूनही, मिडवाईफना अनेकदा निधीची कमतरता, मर्यादित संसाधने आणि ओळखीचा अभाव यांचा सामना करावा लागतो. म्हणून आज आपण केवळ मिडवाईफ उत्सव साजरा करू नये. त्यांच्यासाठी वकिली करू या असा संदेश देण्यात आला. कार्यक्रमात प्रसूती आणि स्त्रीरोग विभागातील सहयोगी प्रा. निम्मी वर्गीस आणि सहाय्यक प्रा. जयश्री जाधव यांनी सुरक्षित प्रसूती या विषयावर चर्चा केली आणि गोदावरी कॉलेज ऑफ नर्सिंगच्या सहाव्या सत्राच्या विद्यार्थी आणि शिक्षकांवर प्रात्यक्षिक सादर केले. हा कार्यक्रम प्रसूती आणि स्त्रीरोग विभागाच्या विभागप्रमुख खुरैजाम मिनाओ देवी यांच्या मार्गदर्शनाखाली आयोजित करण्यात आला होता. प्रास्ताविक प्रा. स्नेहल जांभूळकर यांनी केले. या कार्यक्रमाला प्राचार्या विशाखा गणवीर, उपप्राचार्य जेसिंथ धाया यांची उपस्थिती होती. तसेच एमएससी प्रथम वर्ष आणि एमएससी द्वितीय वर्षाच्या विद्यार्थ्यांनीही हा कार्यक्रम यशस्वी केला.
