जळगाव शहरातील चंदूअण्णा नगर येथील घटना
जळगाव (प्रतिनिधी) : शहरातील चंदू अण्णा नगर येथील रहिवासी तरुणाने राहत्या घरी गळफास घेऊन आत्महत्या केल्याची धक्कादायक घटना बुधवार दि. २६ मार्च रोजी दुपारी २ वाजेच्या सुमारास उघडकीस आली आहे. याप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
मुकेश अर्जुन पाटील (वय ३५, रा. चंदूअण्णा नगर, जळगाव) असे मयत तरुणाचे नाव आहे. त्यांच्या पश्चात आई, वडील, पत्नी, १ मुलगा, १ मुलगी असा परिवार आहे. संगणक केंद्राचा व्यवसाय करून तो परिवाराचा उदरनिर्वाह करीत होता.(केसीएन)दरम्यान, बुधवारी दि. २६ मार्च रोजी दुपारी घरी कोणी नसताना मुकेश पाटील यांनी छताला दोरीने गळफास लावून घेत आत्महत्या केली.
काही वेळाने कुटुंबीय घरी आले तेव्हा हि घटना उघडकीस आली. मुकेश पाटील यांना शासकीय वैद्यकीय महाविद्यालय व रुग्णालयात उपचारासाठी दाखल करण्यात आले असता त्यांना वैद्यकीय अधिकाऱ्यांनी तपासून मयत घोषित केले.(केसीएन)यावेळी कुटुंबीयानी मन हेलावणारा आक्रोश केला. गेल्या काही दिवसांपासून मुकेश हे आर्थिक विवंचनेत होते. त्याकरिता काही नातेवाईक त्यांची समजूतदेखील काढत होते, अशी माहिती कुटुंबीयांनी दिली. घटनेप्रकरणी जळगाव तालुका पोलीस स्टेशनला अकस्मात मृत्यूची नोंद करण्यात आली आहे.
