जळगाव शहरातील शिवाजीनगर येथील घटना
जळगाव (प्रतिनिधी) : शहरातील शिवाजी नगर हुडको परिसरात रस्त्यावरील पाणी वाहत असल्याच्या कारणावरून एका व्यक्तीला शिवीगाळ करत, लोखंडी पेन्चिस डोक्यात टाकून गंभीर दुखापत केल्याची घटना सोमवारी सकाळी १०.३० वाजता घडली आहे. याप्रकरणी मंगळवारी दुपारी २ वाजता जळगाव शहर पोलिस ठाण्यात गुन्हा दाखल करण्यात आला आहे.
बाबुलाल खान गुलाब खान (वय ४५ रा. शिवाजी नगर हुडको) हा सोमवारी सकाळी १०.३० वाजता त्यांच्या घरासमोरून पाणी वाहत होते. या कारणावरून त्यांच्या गल्लीत राहणारे जाकीर, बाबु, रूकय्या, त्यांची दोन्ही मुले आणि त्यांची बहिण शहनाज या सर्वांनी बाबुलाल खान यांना शिवीगाळ करत मारहाण केली तर यातील जाकीर याने हातात लोखंडी पेन्चिस पकडून त्यांच्या डोक्यात टाकून गंभीर दुखापत केली. याप्रकरणी बाबुलाल खान यांनी जळगाव शहर पोलिस ठाण्यात तक्रार दिली. त्यांनी दिलेल्या तक्रारीवरून मंगळवारी शहर पोलिस ठाण्यात मारहाण करणाऱ्या पाच जणांविरोधात गुन्हा दाखल करण्यात आला आहे. पुढील तपास पोहेकॉ ओमप्रकाश सोनी हे करीत आहे.
