पारोळा तालुक्यातील हिवरखेड तांडा येथील घटना
पारोळा ( प्रतिनिधी ) – धुलीवंदन सण साजरा करण्यासाठी गावी आलेल्या २२ वर्षीय तरुणाचा विहिरीत पाय घसरून पडल्याने पाण्यात बुडून मृत्यू झाल्याची घटना शुक्रवारी घडली. पारोळा पोलीस स्टेशनला अकस्मात मृत्यूची नोंद करण्यात आली आहे.
निलेश विठ्ठल पवार (वय २२,रा हिवरखेडा तांडा ता.पारोळा ह.मु.सुरत) असे मृत तरुणाचे नाव आहे. हिवरखेडे तांडा येथे होळी धुलिवंदनानिमित्त समाजाचा सांस्कृतिक धुंड कार्यक्रम साजरा होत असतो. निलेश हा गावी सण साजरा करण्यासाठी आला होता. धुलिवंदन साजरा करून सकाळी साडेदहाच्या सुमारास निलेश व त्याचे मित्र हे गावातील विहिरीवर अंघोळ करण्यासाठी गेले असता तेथे आंघोळ करतांना त्याचा पाय घसरुन विहिरीत तोल गेल्याने तो पाण्यात बुडाला.
