भुसावळ तालुक्यातील वरणगाव येथील घटना
भुसावळ ( प्रतिनिधी ) – तालुक्यातील वरणगाव येथील मकरंद नगर भागातील रहिवासी असलेल्या टेन्ट व्यावसायिकाने घरात गळफास घेऊन आत्महत्या केल्याची घटना मंगळवारी रात्री नऊ वाजता घडली. याप्रकरणी वरणगाव पोलीस स्टेशनला अकस्मात मृत्यूची नोंद करण्यात आली आहे.
शहरातील सुधीर लीलाधर पाटील (वय ५२) यांचा टेन्ट हाऊसचा व्यवसाय होता. त्यांनी मकरंद नगरमधील आपल्या राहत्या घरच्या छताला दोरी बांधून गळफास घेतल्याची घटना बुधवारी सकाळी उघडकीस आली. मृतदेह ग्रामीण रुग्णालय येथे नेण्यात आला होता. या घटनेची माहिती मयताचे मोठे भाऊ सतीष पाटील यांनी वरणगाव पोलीस ठाण्यात दिल्यावरून अकस्मात मृत्यूची नोंद करण्यात आली आहे. तपास पो.हे.कॉ. प्रमोद कंखरे करत आहेत.
