चोपडा तालुक्यातील वर्डी येथील घटना
चोपडा प्रतिनिधी – तालुक्यातील वर्डी येथील तीन युवक गुळी नदीत पोहण्यासाठी उतरले होते त्यातील दोघे वाहून गेले असून तिसरा सुदैवाने बचावला आहे.
सध्या गूळ प्रकल्पातून आवर्तन सोडलेले असल्याने गुळ नदी पात्रात पाणी आहे.
तालुक्यातील वर्डी येथील तीन युवक गुळी नदीत रविवारी सायंकाळी पोहण्यासाठी उतरले. यापैकी सिद्धार्थ शिवाजी साळुंके व दिलीप केशव ढिवरे (रा. वर्डी) हे दोघे पाण्याच्या डोहात बुडाले. नदीच्या काठावर असलेला विनोद कांबळे (वय २२) नशिबाने बचावला. त्याने ही माहिती पोलीसांना दिली. रात्री उशीरापर्यंत या दोन्ही तरूणांचा शोध घेण्यात आला मात्र ते आढळून आले नाहीत.
