जळगाव तालुक्यातील कुसूंबा येथील घटना
जळगाव (प्रतिनिधी) : तालुक्यातील कुसूंबा येथील एका १९ वर्षीय तरुणाने राहत्या घरी गळफास घेऊन आत्महत्या केल्याची धक्कादायक घटना बुधवारी दि. २६ फेब्रुवारी रोजी संध्याकाळी ५ वाजता उघडकीस आली आहे. याप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे.
कुणाल दत्तात्रय पाटील (वय १९, रा. श्रीराम चौक, कुसूंबा ता. जळगाव) असे मयत तरुणाचे नाव आहे. तो आई, वडील, लहान भाऊ यांचेसह राहत होता. (केसीएन)पोलिसांनी माहितीनुसार, कुणाल पाटील हा घरी एकटाच असताना त्याने छताला गळफास लावून घेत आत्महत्या केली. कुटुंबीय संध्याकाळी घरी आले तेव्हा घटना उघड झाली. शासकीय वैद्यकीय महाविद्यालय व रुग्णालयात दाखल केले असता वैद्यकीय अधिकाऱ्यांनी कुणाल पाटील याला मयत घोषित केले. यावेळी कुटुंबीयांनी एकच आक्रोश केला. घटनेप्रकरणी एमआयडीसी पोलीस स्टेशनला अकस्मात मृत्यूची नोंद करण्यात आली आहे. दरम्यान, तरुण मुलाच्या मृत्यूमुळे गावात हळहळ व्यक्त करण्यात येत आहे.
