चाळीसगाव ( प्रतिनिधी ) – चाळीसगाव शहरातील घराजवळून जात असतांना धक्का लागल्याने तरूणावर रॉडने डोक्यावर मारहाण केल्याची घटना घडली आहे. याप्रकरणी चाळीसगाव शहर पोलीस स्टेशनला दोन जणांविरोधात गुन्हा दाखल करण्यात आला आहे.
रोहित भिकन शिरसाठ (वय-२१) रा. अण्णाभाऊ साठे नगर, स्टेशन रोड, चाळीसगाव हा तरूण आपल्या परिवारासह राहायला आहे. मजूरी करून आपला घरखर्च चालवितो. १८ ऑक्टोबर रोजी दुपारी ४.३० वाजेच्या सुमारास रोहित हा त्याच्या घराजवळून जात असतांना नंदू भास्कर शिरसाठ याला चालतांना धक्का लागला. याचा राग आल्याने नंदू शिरसाठ , बजरंग नंदू शिरसाठ या दोन्ही भावांनी रोहित याला लोखंडी रॉडने डोक्यावर मारहाण केली तर दुसऱ्याने तोंडावर विट फेकून मारली. यात रोहित हा जखमी झाला. त्याला ग्रामीण रूग्णालयात उपचारार्थ दाखल करण्यात आले आहे. त्याच्या जबाबावरून संशयित आरोपी नंदू भास्कर शिरसाठ , बजरंग नंदू शिरसाठ दोन्ही रा. अण्णाभाऊ साठे नगर, चाळीसगाव यांच्या विरोधात चाळीसगाव शहर पोलीस स्टेशनला गुन्हा दाखल करण्यात आला आहे. पुढील तपास पोहेकॉ किशोर सोनवणे करीत आहे.
