जळगाव ( प्रतिनिधी ) – जळगाव शहरातील मेहरूण परिसरातील जोशीवाडा परिसरातून एका चालकाची दुचाकी अज्ञात चोरट्यांनी चोरून नेल्याची घटना समोर आली आहे. याप्रकरणी बुधवारी ८ मार्च रोजी सायंकाळी ६ वाजता एमआयडीसी पोलीस स्टेशनला गुन्हा दाखल करण्यात आला आहे.
याबाबत सूत्रांनी दिलेली माहिती अशी की, दिलीप भगवान कोळी (वय-४३, रा. जोशीवाडा, मेहरूण, जळगाव) हे आपल्या परिवारासह वास्तव्याला आहे. खासगी वाहन चालवून ते आपला उदरनिर्वाह करतात. त्याच्या मालकीची दुचाकी (एमएच १९ बीई १७९७) ही घरघुती कामासाठी ते वापर करतात. दरम्यान, १५ फेब्रुवारी रोजी रात्री ९ ते १६ फेब्रुवारी सकाही ४ वाजेच्या दरम्यान त्यांच्या घरासमोर पार्किंगला लावलेली दुचाकी अज्ञात चोरट्यांनी चोरून नेल्याचे उघडकीला आले. त्यांनी दुचाकीचा सर्वत्र शोध घेतला परंतू दुचाकी कुठेही मिळून आली नाही. अखेर बुधवार ८ मार्च रोजी सायंकाळी ६ वाजता एमआयडीसी पोलीस स्टेशनला दिलेल्या तक्रारीवरून एमआयडीसी पोलीस स्टेशनला गुन्हा दाखल करण्यात आला आहे. पुढील तपास पोलीस नाईक विकास सातदिवे करीत आहे.
