जळगाव ( प्रतिनिधी ) – शिरसोली मार्गावरील वॉटरपार्कच्या लॉकरमधून मोबाइलला चोरणाराला स्थानिक गुन्हे शाखेच्या पथकाने आज अटक करून एम आय डी सी पोलिसांच्या ताब्यात दिले आहे .
पोना नितीन बाविस्कर , किरण धनगर, पोना भगवान पाटील. पोना राहुल डैनागे. पोहेकॉ भारत पाटील यांच्या पथकाने स्थानिक गुन्हे शाखेचे पो नि किरणकुमार बकाले यांच्या मार्गदर्शनाखाली ही कारवाई केली . खबऱ्याकडून मिळालेल्या माहितीची पो नि किरणकुमार बकाले यांनी खातरजमा केल्यानंतर ही कारवाई करण्यात आली भुषण बडगुजर ( रा – उत्राण , ता – एरंडोल ) असे या आरोपीचे नाव आहे त्याचा शोध घेऊन बांभोरी बस स्थानक भागात त्याला अटक करण्यात आली झडती घेतल्यावर त्याच्याकडे या चोरीच्या गुन्ह्यातील २ मोबाइल सापडले ते जप्त करण्यात आले आहेत . दहा मोबाइल चोरी केली असल्याचीही त्याने कबुली दिली आहे .
