जळगाव (प्रतिनिधी) – जुन्या वादातून एकास पाच जणांनी बेदम मारहाण केल्याची घटना शहरातील कालंका माता मंदिर जवळ येथे काल रात्री १० वाजेच्या सुमारास घडली. याप्रकरणी शनिपेठ पोलीस ठाण्यात गुन्हा दाखल करण्यात आला आहे.
याबाबत सविस्तर वृत्त असे की, हितेश संतोष शिंदे (वय-२०) रा चौघुले प्लॉट जळगाव याचे काही महिन्यापूर्वी परिसरातील दीपक दत्तू चौधरी याच्यासोबत भांडण झाले होते. यावेळी दोघांच्या कुटुंबियांनी मध्यस्ती करून वाद मिटविला होता. काल रविवार ६ डिसेंबर रोजी रात्री १० वाजेच्या सुमारास हितेश शिंदे हा कांचननगरातील कालिंका माता चौकात मित्र प्रसाद चौधरी व रुपेश ठाकरे यांच्यासोबत गप्पा करीत असतांना मनोज दत्तू चौधरी उर्फ काल्या, महेश गोविंदा चौधरी उर्फ बंटी, विजय किशोर पाटील उर्फ टमाट्या (पुर्ण नाव माहिती नाही) सर्व रा. चौघुले प्लॉट हे तिघे त्याठिकाणी आले,जवळ असलेल्या
टेन्ट हाऊसमधील लोखंडी पाईप हितेशच्या डोक्यात टाकून दीपक चौधरीने हातातील धारदार पट्टीने हितेशवर वार करून गंभीर जखमी केले. तीन चार जणांकडून हितेशला मारहाण होत असतांनाच दत्तू चौधरीने हातात तलवार घेत याठिकाणी आला. त्याने हितेशला शिवीगाळ करीत जीवेठार मारण्याची धमकी दिली. हितेशला मारहाण होत असतांना विजय शिंदे व राहुल शिंदे या दोघांनी भांडण मिटवित हितेशला रुग्णालयात दाखल केले. याप्रकरणी शनीपेठ पोलीस ठाण्यात गुन्हा दाखल करण्यात आला आहे.
