जळगाव (प्रतिनिधी) – देशासह जळगांव शहरात कोरोना प्रादुर्भाव पसरलेला आहे. अश्या बिकट प्रसंगी महानगरपालिका डॉक्टर्स, नर्सेस व इतर सर्व अधिकारी कर्मचारी अहोरात्र नागरीक व रुग्णांंना सेवासुविधा पुरवित आहे. सद्यस्थितीत देशात प्रमुख सण दिपावली हा काही दिवसांवरच आलेला आहे. या पार्श्वभूमीवर या वैद्यकीय अधिकारी, कर्मचाऱ्यांचे थकीत व इतर वेतन तात्काळ काढावेत अशी मागणी महापौर भारती सोनवणे यांनी महापालिकेच्या आयुक्तांना केली आहे.
दिवाळी हा सण महापालिकेतील प्रत्येक अधिकारी, कर्मचाऱ्यांसाठी चांगला जावा यासाठी आपण प्रयत्न केले पाहिजेत. अश्या शुभ प्रसंगी सेवानिवृत्त व कार्यरत मनपा अधिकारी कर्मचारी यांना सणउत्सव साजरा करणेच्या दृष्टीने सण अग्रिम, थकित महागाई भत्त्याची रक्कम, व चालु महिन्याचे वेतन इत्यादी त्वरीत अदा करणे बाबत संबंधितांना आदेश व्हावेत. असेही महापौर सोनवणे यांनी आयुक्तांना दिलेल्या पत्रकात म्हटले आहे.
