जळगाव ( प्रतिनिधी ) – जामनेर ते बोदवड रस्त्यावर बेकायदा गावठी पिस्तूल घेऊन फिरणाऱ्या आरोपीला स्थानिक गुन्हे शाखेच्या पोलिसांनी पकडून त्याच्यावर जामनेर पोलीस ठाण्यात गुन्हा दाखल करण्यात आला आहे .
स्थानिक गुन्हे शाखेचे पो नि किरणकुमार बकाले यांना मिळालेल्या गुप्त बातमीवरून जामनेर – बोदवड रस्त्यावर राजकमल हाँटेल समोर एक व्यक्ती गावठी पिस्तोल कमरेला लाउन दहशत माजवीत आहे त्यावरुन पो.उ.नि. अमोल देवढे, सफो अशोक महाजन, पोहेका लक्ष्मण पाटील, पोना. विनोद पाटील, किशोर राठोड, रणजीत जाधव, श्रीकृष्ण देशमुख, पो. कॉ. ईश्वर पाटील, अशोक पाटील यांना रवाना करण्यात आले होते
जामनेर येथे बोदवड रस्त्यावर संशयीत आरोपी अनुराग लक्ष्मण सुनगत ( वय २० रा. जामनेर ह.मु. वरणगाव ) याची अंगझडती घेतली असता त्याच्या कमरेला १ गावठी पिस्तोल २०,००० रुपये किमतीचे मिळून आल्याने त्याच्यावर जामनेर पोलीस स्टेशनला गुन्हा दाखल करण्यात आला पुढील तपास जामनेर पोलीस करीत आहेत.
