पहूर ( प्रतिनिधी ) – जामनेर तालुक्यातील कासली गावात महिलेचे बंद घर फोडून स्टीलच्या डब्यातील चाळीस हजार रुपयांची रोकड चोरून नेली आहे. याबाबत मंगळवारी ३ जानेवारी रोजी सायंकाळी ७ वाजता पहूर पोलीस स्टेशनला एकावर गुन्हा दाखल करण्यात आला आहे.
याबाबत अधिक माहिती अशी की, जामनेर तालुक्यातील कासली येथे अनिताबाई संजय महाले या महिला आपल्या परिवारासह राहायला आहे. २ जानेवारी रोजी रात्री १० ते ३ जानेवारी सकाळी ५.३० वाजेच्या दरम्यान महिला घरात झोपलेले असताना युवराज शंकर पांढरे (वय – ५५, रा. शेरी, ता.जामनेर) याने महिलेच्या घरात घुसून स्टीलच्या डब्यात ठेवलेले ४० हजार रुपयांची रोकड चोरून नेली. हा प्रकार लक्षात आल्यानंतर महिलेचे दीर अनिल गजमल महाले यांनी पहूर पोलीस स्टेशनला दिलेल्या तक्रारीवरून संशयित आरोपी युवराज शंकर पांढरे, रा. शेरी, ता.जामनेर यांच्या विरोधात मंगळवारी ३ जानेवारी रोजी सायंकाळी ७ वाजता पहूर पोलीस स्टेशनला गुन्हा दाखल करण्यात आला आहे. या घटनेचा पुढील तपास पोहेकॉ प्रवीण चौधरी करीत आहे.
