चाळीसगाव ( प्रतिनिधी ) – वाघळी गावात बेकायदेशीर गावठी बनावटीचा पिस्तूल असलेल्या आरोपीची गुप्त माहिती पोलीसांना मिळाली ग्रामीण पोलिसांनी छापा टाकला असता जिवंत काडतुसासह तरूणाला अटक केली
चाळीसगाव ग्रामीण पोलीस स्थानकाचे पोउनि लोकेश पवार यांना गुप्त माहिती मिळाली की, तालुक्यातील वाघळी गावात जुन्या चांभार्डी रोडलगत बेघर वस्तीमध्ये बेकायदेशीर गावठी बनावटीचा पिस्तूल व जिवंत काडतुस एकाने स्वतः जवळ बाळगली आहेत पोना गोवर्धन बोरसे, नितीन आमोदकर, शांताराम पवार, पोहेकॉ दत्तात्रय महाजन, पोना जयंत सपकाळे यांनी छापा टाकून गावटी बनावटीचे पिस्तूल, तीन जिवंत काडतूस असा २६ हजार पाचशे रुपयांचा मुद्देमाल हस्तगत केला. आकाश अमृत शिरसाठ (वय २८ , रा. वाघळी ) असे अटक केलेल्या आरोपी तरूणाचा नाव आहे.
पोना जयंत सपकाळे यांच्या फिर्यादीवरून चाळीसगाव ग्रामीण पोलीस स्थानकात गुन्हा दाखल करण्यात आला आहे. पो नि संजय ठेंगे यांच्या निर्देशानुसार पुढील तपास सपोनि रमेश चव्हाण व पोना शांताराम पवार हे करीत आहेत.
