मुक्ताईनगर तालुक्यातील कर्की नाक्यावर पोलिसांची कारवाई
मुक्ताईनगर (प्रतिनिधी) :- मध्य प्रदेशच्या सीमेवर असलेल्या आंतरराज्य सीमा तपासणी नाक्यावर पोलिस व परिवहन विभागाच्या संयुक्त कारवाईत चारचाकी वाहनातून ४ लाख १० हजार रुपयांची रोकड जप्त केल्याची घटना गुरुवारी सकाळी घडली.
सीमा तपासणी नाक्यावर दि. ३० ऑक्टोबर रोजी सकाळी १० वाजेच्या सुमारास मध्य प्रदेशातून मुक्ताईनगरकडे येणाऱ्या चारचाकी वाहन क्रमांक एम.पी.६८. सी २३७८ ची तपासणी केली असता ही रोकड आढळून आली. कारमधील व्यक्ती कागदपत्रे सादर करू न शकल्याने ही रोकड मुक्ताईनगर पोलिसात जप्त करण्यात आली आहे. ही रोकड मगन जांभळकर (वय ८०) आणि जयेश पंडित चौधरी (वय ३५, रा. आळगाव, मध्य प्रदेश) यांच्याकडे आढळून आली आहे.
