जळगाव ( प्रतिनिधी ) – तालुक्यातील जळके येथे बसस्थानकाजवळ स्टेट बँकेचे एटीएममधील सीसीटीव्ही कॅमेरे तोडून ते मशिन फोडण्याचा प्रयत्न झाल्याचे आज सकाळी उघडकीला आले. चोरट्यांचा प्रयत्न असफल झाल्याने ते रिकाम्या हाती परतले. लगेच पोलिसात कुठलीही नोंद करण्यात आली नव्हती.
जळके गावातील वावडदा रस्त्यावर स्टेट बँक ऑफ इंडियाचे एटीमएम आहे. शनिवारी मध्यरात्री तीन वाजेच्या सुमारास या एटीएम मशिनच्या शटरचे कुलूप तोडून चोरट्यांनी आत प्रवेश केला. त्यांनी एटीएममध्ये लावलेले सीसीटीव्ही कॅमेरे तोडले एटीएम मशिन फोडण्याचा प्रयत्न केला. घटनेची माहिती मिळताच एमआयडीसी पोलिस ठाण्याचे स पो नि अमोल मोरे घटनास्थळी गेले दरम्यान, चोरट्यांकडून एटीएम मशिन न फुटल्याने एटीएम मशिनमधील कॅश सुरक्षीत असून चोरटयांचा प्रयत्न फसला. स्टेट बँकेचे व्यवस्थापक दीपक तिवारी यांनी एटीएमची पाहणी केली. एटीएम मशिनचे कुठलेही नुकसान झाले नसल्याने त्यांनी तक्रार देणार नसल्याचे सांगितले.
