जळगाव (प्रतिनिधी) – जिल्हाधिकारी कार्यालयातील प्रांत कार्यालयाजवळ एका शेतकऱ्याची २५ हजार रुपये किंमतीची दुचाकी अज्ञात चोरट्यांनी चोरून नेल्याची घटना उघडकीस आली आहे. सोमवारी २४ एप्रिल रोजी दुपारी जिल्हापेठ पोलीस ठाण्यात अज्ञात चोरट्यांवर गुन्हा दाखल करण्यात आला आहे.
धैर्यसिंग लोटन पाटील (वय-३७) रा. जवखेडा ता.जि. जळगाव हा तरुण आपल्या परिवारासह राहतो. तो २१ एप्रिल रोजी सकाळी ११ वाजता त्याच्या वैयक्तिक कामासाठी जिल्हाधिकारी कार्यालयातील प्रांत कार्यालयासमोर दुचाकीने (एमएच १९ डीजे ८९४४) आला होता. काम आटोपून आल्यानंतर त्याला जागेवर दुचाकी दिसून आले नाही. दुचाकी कुठेही मिळून न आल्याने अखेर धैर्यसिंग पाटील याने सोमवारी २४ एप्रिल रोजी दुपारी १२ वाजता जिल्हापेठ पोलीस ठाण्यात धाव घेऊन रीतसर तक्रार दिली आहे. त्याने दिलेल्या तक्रारीवरून अज्ञात चोरट्यांवर जिल्हापेठ पोलीस ठाण्यात गुन्हा दाखल करण्यात आला आहे. या घटनेचा पुढील तपास जिल्हापेठ पोलीस ठाण्याचे कर्मचारी करीत आहे.
