पाचोरा ( प्रतिनिधी ) – येथील शिवसेनेच्या बेताल आमदाराने आपल्या संकुचित वृत्तीचे जाहीर प्रदर्शन केले शिवसंपर्क अभियानाच्या भाषणात आमदार किशोर पाटील यांनी भाजपानेते किरीट सोमय्या यांना “बोबडा” संबोधून त्यांच्या व्यंगावर जाहीर टीका केली नंतर पत्रकारांना खुलासा करताना असंस्कृत प्रवृत्तीचे समर्थन करून “होय मी बोबडा बोललो” असे निर्लज्जपणाने कबूल केले भाजपाचे तालुकाध्यक्ष अमोल शिंदे यांनी सांगितले की किरीट सोमय्या यांच्या व्यंगावर टीका करणाऱ्या उथळ प्रवृत्तीच्या व बेगडी प्रसिद्धीचा हव्यास असणाऱ्या आमदाराचा भा ज पा पाचोरा-भडगावतर्फे जाहीर निषेध करीत आहोत.
लोकशाहीत सत्ताधारी व विरोधक यांच्यात राजकीय आरोप-प्रत्यारोप होत असतात. मात्र शारीरिक व्यंग यांच्यावर टिप्पणी करणे निषेधार्य मानले गेले आहे. केतकी चितळे हीने शरद पवारांच्या व्यंगावर टीका केली तेव्हा आघाडीच्या सर्व चिल्लर व थिल्लर पक्षांनी भांडवल करून केतकी चितळेवर आगपाखड केली आज त्यांच्याच सत्ताधारी आघाडीतील एका आमदाराने किरीट सोमय्या यांच्या व्यंगावर टीका करून फुकट प्रसिद्धी मिळवण्याचा केविलवाणा प्रयत्न केला आहे.यापूर्वीही छत्रपती शिवाजी महाराजांच्या वेशातील एका कार्यकर्त्याला स्वतःचा पाया पडायला लावणाऱ्या या शिवसेना आमदाराने फुकट प्रसिद्धी चा घाट घातला होता.आता पुन्हा एकदा आपल्या पक्षश्रेष्ठींच्या नजरेत मोठे होण्यासाठी त्यांनी हा बालिशपणा केलेला आहे. चमकोगिरी करणारा बेताल आमदार म्हणून यापूर्वी भाजपाने वारंवार त्यांच्या उथळ प्रवृत्तीचा निषेध केलेलाच आहे. ह्या बेताल आमदाराने किरीट सोमय्या व तमाम दिव्यांग जनतेची जाहीर माफी मागावी अशी मागणी अमोल शिंदे यांनी केली आहे.
