जळगाव ( प्रतिनिधी ) – रावेर तालुक्यातील शिंगाडी येथील पुनर्वसनासाठी . कार्यकारी अभियंता , सरदार सरोवर – 1 ( विभाग ) हे मूल्यांकन अहवाल सादर करण्यास टाळाटाळ करत असल्यामुळे विलंब होत आहे गट नंबर 222 / 1 समाविष्ट असुन तेथे शेतकऱ्यांनी बेकायदेशीर प्लॉट पाडल्याने त्या नोंदी रद्द करण्यात याव्या व शासनाची दिशाभूल करणाऱ्या अधिकाऱ्यांवर कारवाई करण्यात यावी . या मागण्यांसाठी शिंगाडीचे ग्रामस्थ 30 मेपासुन जिल्हाधिकारी कार्यालयासमोर उपोषणास बसले आहेत .
शिंगाडी गावाचे पुनर्वसनाला सन 2007 साली तत्कालीन जिल्हाधिकारी यांनी मंजुरी दिली , पुनर्वसनासाठी 8 गट नंबर संपादित करण्यात आले त्यापैकी गट नंबर 222/1 सुद्धा समाविष्ट आहे . संबंधित शेतकरी यांनी शासनाची ना हरकत नसतांना तिथे प्लॉट पाडुन खरेदीखत केलेले आहे बिनशेती नसलेली शेतीचे उतारे शिंगाडी ग्रामपंचायत येथील ग्रामसेवक यांनी नमुना नंबर 8 कशाच्या आधारावर लावलेत याची चौकशी होणे गरजेचे आहे . महसुल कायद्याप्रमाणे तुकडा बंदी असतांना तलाठी सर्कल यांनी कुणाच्या आदेशाने या शेतीची नोंद केली ? फैजपूर येथील तत्कालीन प्रांताधिकारी अंतुर्लीकर यांनी संबंधित सहाय्यक निबंधक यांना या गट नंबरवर खरेदी विक्री करू नये असे पत्र दिले असतांनासुध्दा या खरेदी विक्री कशी करणेत आली ? या प्रकरणाची चौकशी होणे गरजेचे आहे .
कार्यकारी अभियंता सरदार सरोवर विभाग 1 यांना फैजपूर प्रांत कार्यालयातुन 4 वेळा स्मरणपत्र देऊन देखील त्यांनी मूल्यांकन अहवाल सादर केलेला नाही . मूल्यांकन अहवालाअभावी निवाडा घोषित होऊ शकणार नाही अनेकदा गावकरी मंडळी व महाराष्ट्र जनक्रांती मोर्चाचे प्रदेश अध्यक्ष मुकुंद सपकाळे यांनी संबंधित अधिकाऱ्यांना भेटून सुद्धा काही उत्तर त्यांनी दिले नाही न्याय न मिळाल्यास समस्त गावकरी तापी नदीच्या पात्रात जलसमाधी घेईल असा ईशारा देखील आंदोलनकर्त्यांनी दिला आहे .
आंदोलनास रिपब्लिकन पार्टी ऑफ इंडियाचे ( आठवले गट ) उत्तर महाराष्ट्र अध्यक्ष रमेश मकासरे , भुसावळच्या नगरसेविका लक्ष्मी मकासरे , छावा मराठा युवा महासंघाचे जिल्हाध्यक्ष अमोल कोल्हे , विर सावरकर रिक्षा युनियनचे अध्यक्ष दिलिप सपकाळे यांनी भेट देऊन त्यांच्या संघटनांच्या वतीने पाठिंबा दिला . आंदोलनात मुकुंद सपकाळे यांच्या नेतृत्वात अनिल बगाडे , अमृत पाटिल , उमेश गाढे , संदीप कोजगे , फुलसिंग कोजगे , आनंदा कोजगे , विजय बगाडे , रमेश पाटिल , विश्वनाथ पाटिल , साहेबराव पाटिल , यादव पाटिल , संतोष बगाडे , प्रभाकर बगाडे , भागवत बगाडे , हिरामण कोजगे , सुमनबाई बगाडे , पुताबाई कोजगे , लिलाबाई कोजगे , गोविंदा कोजगे , प्रविण कोजगे , आशाबाई कोजगे आदि ग्रामस्थ सहभागी झाले.
