जळगाव ( प्रतिनिधी ) – कुसुंबा बसस्थानकाजवळ जुन्या भांडणातून तरूणाला अश्लिल शिवीगाळ करीत बिअरच्या बाटलीने मारहाण केल्याची घटना घडली एमआयडीसी पोलीस ठाण्यात गुन्हा दाखल करण्यात आला आहे.
हर्षल राजेंद्र सोनवणे (वय-२२) हा कुसुंबा येथे कुटुंबियांसह वास्तव्याला आहे. २ जून रोजी दुपारी तो कुसुंबा बसस्थानकाजवळील दत्त मंदीरानजीक उभा असतांना जुन्या भांडणातून याच गावातील तुषार कोळी, अमित तडवी, करण व सोन्या (पूर्ण नाव माहित नाही) आणि त्यांच्या इतर जणांनी हर्षलला अडवून अश्लिल शिवीगाळ केली. हातातील प्लास्टिक पाईप, काठी आणि बिअरच्या बाटलीने बेदम मारहाण करून डोक्यावर व चेहऱ्यावर दुखापत केली. त्याला जिल्हा शासकीय वैद्यकीय महाविद्यालयात दाखल करण्यात आले रात्री हर्षल सोनवणे यांच्या फिर्यादीवरून एमआयडीसी पोलीस ठाण्यात तुषार कोळी, अमित तडवी, करण व सोन्या आणि इतर जणांवर गुन्हा दाखल करण्यात आला पुढील तपास पो उ नि अनिश शेख करीत आहेत .
