जळगाव (प्रतिनिधी)- भाईचंद हिराचंद रायसोनी (बीएचआर) पतसंस्थे मधील गैरव्यवहाराशी संबंधीत संशयित आरोपी जितेंद्र कंडारेचा वाहन चालक कमलाकर भिकाजी कोळी याला रविवारी दि. २९ रोजी आर्थिक गुन्हे शाखेच्या पथकाने अटक केली आहे.
भाईचंद हिराचंद रायसोनी (बीएचआर) पतसंस्थे मधील गैरव्यवहाराशी संबंधीत संशयित आरोपी जितेंद्र कंडारे याचा वाहन चालक कमलाकर भिकाजी कोळी हा आज रविवारी सकाळी बीएचआर पतसंस्थेच्या मुख्य शाखेत वाहन लावण्यासाठी आला. यावेळी आर्थिक गुन्हे शाखेच्या पथकाने त्याला चौकशीसाठी ताब्यात घेतले. कमलाकर कोळी याने कंडारे यांना औरंगाबाद ते अहमदनगरच्यादरम्यान सोडले. कंडारेला नेमकं कुठं सोडले?, याबाबत कमलाकर कोळीने समाधानकारक माहिती दिली नाही. त्यामुळे त्याला अटक करण्यात आली आहे.
