पहूर (प्रतिनिधी) – पहूर येथील शिवारात शेतातून ५५ हजार ५०० रूपये किंमतीचे केबल वायर अज्ञात चोरट्यांनी चोरून नेल्याची घटना समोर आली आहे. याप्रकरणी पहूर पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे.
याबाबत अधिक माहिती अशी की, जामनेर तालुक्यातील पहूर येथील रहिवाशी योगेश विठ्ठल भंडागे (वय-४१) हे आपल्या परिवारासह राहायला आहे. शेती करून आपला उदरनिर्वाह करतात. त्याचे जळगाव रोडवरील पहूर शिवारात शेत आहे. शेतातील पत्र्याच्या शेडमध्ये शेतीसाठी लागणारा सामान ठेवला जातो. २६ जानेवारी रोजी सायंकाळी ६ ते २७ जानेवारी रोजी सकाळी ६.३० वाजेच्या सुमारास अज्ञात चोरट्यांनी त्यांच्या शेतातील शेडमध्ये ठेवलेली ५५ हजार ५०० रूपये किंमतीची ईलेक्ट्रीक केबल वायर चोरून नेल्याचे उघडकीला आला. याबाबत योगेश भंडागे यांनी पहूर पोलीस स्टेशनला दिलेल्या तक्रारीवरून अज्ञात चोरट्यांविरोधात पहूर पोलीस स्टेशनला अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ भरत लिंगायत करीत आहे.
