जळगाव ( प्रतिनिधी ) – भरधाव चारचाकी अज्ञात वाहनाच्या धडकेत दुचाकीस्वाराचा जागीच मृत्यू झाल्याची घटना जळगाव-भुसावळ महामार्गावर बुलेट शोरूम समोर २७ फेब्रुवारी रोजी रात्री घडली. एमआयडीसी पोलीस ठाण्यात अज्ञात वाहनधारकावर गुन्हा दाखल करण्यात आला आहे.
सागर विजय राणे (वय-३० , रा. हिंगोणा ता. यावल ह.मु. जळगाव ) हा तरुण जळगाव शहरात नोकरीच्या निमित्ताने वास्तव्याला आहे.तो २६ फेब्रुवारीरोजी दुचाकीने हिंगोणा येथे गेला होता. दुचाकीने परत जळगावकडे येत असताना मध्यरात्री जळगाव-भुसावळ मार्गावरील बुलेट शोरूमच्या समोरून शहरात येत असतांना अज्ञात चारचाकी वाहनाने दुचाकीला जोरदार धडक दिली. या धडकेत सागर राणे हा तरुण जागीच ठार झाला
एमआयडीसी पोलिसांना माहिती मिळाल्यानंतर त्यांनी घटनास्थळी धाव घेऊन पंचनामा केला व मृतदेह शासकीय शासकीय महाविद्यालयात दाखल करण्यात आला. शवविच्छेदन करून मृतदेह नातेवाईकांकडे देण्यात आला. दरम्यान मयताच्या पश्चात पत्नी पल्लवी, आईचा चारूलता, वडील विजय वासुदेव राणे असा परिवार आहे,एकुलता एक मुलगा गेल्याने राणे कुटुंबावर दुःखाचा डोंगर कोसळला आहे, शरद रमेश जावळे वय (वय-४६, रा. रोझोदा ता. रावेर) यांच्या फिर्यादीवरून एमआयडीसी पोलीस ठाण्यात अज्ञात वाहनधारकाविरोधात गुन्हा दाखल करण्यात आला आहे. पुढील तपास पोलीस उपनिरीक्षक निलेश गोसावी करीत आहेत .
