धरणगाव ( प्रतिनिधी ) – धरणगाव तालुक्यातील बोरखेडा येथे बैलगाडी शेतातून घेवून गेल्याच्या कारणावरून वयोवृध्दाला बेदम मारहाण करून जखमी केल्याची घटना घडली आहे. याप्रकरणी धरणगाव पोलीस स्टेशनला सहा जणांविरोधात गुन्हा दाखल करण्यात आला आहे.
याबाबत सविस्तर माहिती अशी की, वसंत जयराम पाटील ( वय – ६५) रा. बोरखेडा, ता. धरणगाव हे आपल्या कुटुंबियांसह राहायला आहे. वसंत पाटील यांनी स्वप्नील उर्फ पन्नालाल गोरख पाटील याच्या शेतातील बैलगाडी चोरून घेवून गेल्याची घटना घडली. याचा राग आल्याने स्वप्नील उर्फ पन्नालाल गोरख पाटील, गोरख जयराम पाटील, अरूण जयराम पाटील, आशाबाई गोरख पाटील, लताबाई अरूण पाटील, अतुल अरूण पाटील रा. बोरखेडा, ता. धरणगाव, जि.जळगाव यांनी शिवीगाळ करून लाथाबुक्क्यांनी बेदम मारहाण केली. याप्रकरणी धरणगाव पोलीस स्टेशनला गुन्हा दाखल करण्यात आला आहे. पुढील तपास पोहेकॉ मोती पवार करीत आहे.
