चुंचाळे,ता, यावल (प्रतिनिधी) – चुंचाळे येथील एका ३० वर्षीय विवाहितेने राहत्या घरात गळफास घेऊन आत्महत्या केल्याने खळबळ उडाली. ही घटना मंगळवारी सायंकाळी चार वाजता उघडकीस आली. मयत विवाहितेचे नाव सोनी योगेश पाटील असे आहे. तिने आत्महत्या का केली हे मात्र कळू शकले नाही.
चुंचाळे ता. यावल येथील रहिवासी योगेश अशोक पाटील यांनी दिलेल्या खबर नुसार चुंचाळे गावात ते त्यांची पत्नी सोनी योगेश पाटील वय ३० व एक ९ व एक ६ वर्षीय अशा दोन मुलांसह राहतात मंगळवारी मजुर घेऊन रिक्षात द्वारे आडगाव येथे गेले होते.
दरम्यान त्यांना चार वाजेला त्यांच्या पत्नी सोनी पाटील हिने राहत्या घरात गळफास घेऊन आत्महत्या केल्याचे कळविण्यात आले. तेव्हा त्यांनी घरी येऊन त्यांनी पाहिले असता त्यांची पत्नी हिने राहत्या घरात साडीच्या साह्याने गळफास घेवुन मृतावस्थेत आढळुन आली.याबाबत त्यांनी यावल पोलिसात माहिती दिली असता घटनास्थळी पोलिस उपनिरीक्षक जितेंद्र खैरनार, पोलीस उपनिरीक्षक विनोद खांडबहाले, सुशील घुगे आदी दाखल झाले व मृतदेह काढून यावल ग्रामीण रुग्णालयांमध्ये आणण्यात आला आहे. मयत यांच्यावर बुधवारी शवविच्छेदन केले जाणार आहे. सदर विवाहितेने अशा प्रकारे आत्महत्या केल्यानेे गावातुन हळहळ व्यक्त केली जात आहे. याबाबत यावल पोलिसात अकस्मात मृत्यूची नोंद करण्यात आली असून मयत हिच्या पश्चात पती आणी ९ व ६ वर्षीय असे दोन मुलं आहेत तिने आत्महत्या का केली हे स्पष्ट झाले नाहीये.
