जळगाव ( प्रतिनिधी ) – रोजगारसेवक तक्रारदाराकडून मानधनाच्या धनादेशावर सही करण्यासाठी लाच मागणाऱ्या वरसाडेच्या ग्रामसेवकासह त्याच्या पंटरला आज लाच लुचपत प्रतिबंधक खात्याच्या पथकाने लाच घेताना रंगेहात पकडले .
काशिनाथ राजधर सोनवणे ( वय-52, ग्रामसेवक,ग्रामपंचायत वरसाडे प्र.पा.ता.पाचोरा ) हा आरोपी चाळीसगाव येथे राहतो दुसरा आरोपी शिवदास भुरा राठोड, ( 67 , वरसाडे प्र.पा.ग्रामपंचायतीचे महिला सरपंच यांचे पती) पिंपळगाव हरेश्वर येथे राहतो
तक्रारदाराने ग्रामपंचायत वरसाडे प्र.पा. अंतर्गत होणाऱ्या रोजगार हमी योजने अंतर्गत कामांसाठी मानधन तत्वावर रोजगार सेवक म्हणून काम केले असून त्यांचे मिळणारे मानधनाच्या धनादेशावरती सही देण्याच्या मोबदल्यात तक्रारदार यांचेकडे ग्राम सेवकासाठी शिवदास राठोड याने प्रथम पंचासमक्ष 6,000/-रुपये मागणी करून तडजोडीअंती 4,000/-रुपये लाचेची मागणी केली लाचेची रक्कम शिवदास राठोड यांचेकडे देण्यास सांगितल्याने लाचेची रक्कम शिवदास राठोड यांनी स्वतः पंचासमक्ष व ग्रामसेवकाच्या समक्ष ग्रामपंचायत वरसाडे कार्यालयात स्वीकारली म्हणून गुन्हा. दाखल करण्यात आला आहे
पोलीस उप अधीक्षक .शशिकांत एस.पाटील यांच्या मार्गदर्शनाखाली पो नि .संजोग बच्छाव, पो नि .एन.एन.जाधव , स.फौ.दिनेशसिंग पाटील, स.फौ.सुरेश पाटील, पो.हे.कॉ.अशोक अहीरे, सुनिल पाटील, रविंद्र घुगे, शैला धनगर, पो.ना.मनोज जोशी, जनार्धन चौधरी, सुनिल शिरसाठ, पो.कॉ.प्रविण पाटील, महेश सोमवंशी, .नासिर देशमुख, ईश्वर धनगर प्रदिप पोळ.यांच्या पथकाने सापळा रचून ही कारवाई केली .
