जळगाव (प्रतिनिधी ) – येथील जिल्हा परिषदेचे लघु पाटबंधारे विभागातील जिल्हा जलसंधारण अधिकारी आनंद रामराव पांडे यांची त्याच पदावर यवतमाळ जिल्हा परिषदेत विनंती बदली झाली आहे. याबाबतचे परिपत्रक राज्य शासनाच्या मृद व जलसंधारण विभागाने काढले आहे.
आनंद पांडे यांनी शासनाकडे विनंती बदलीचा अर्ज केला होता. त्यानुसार शासनाने त्यांची यवतमाळ येथे बदली केली आहे. त्यांच्यासह नंदुरबार जिल्हा परिषदेचे लघु पाटबंधारे विभागातील जिल्हा जलसंधारण अधिकारी नीलिमा मन्साराम मंडपे यांचीदेखील विनंती बदली झाली आहे. त्यांची बदली चंद्रपूर येथे करण्यात आली आहे. मृद व जलसंधारण विभागाचे अवर सचिव ए. एस. संदनशीव यांच्या सहीने हे पत्रक निघाले आहे.
