चोपडा (प्रतिनिधी) – शेतकरी विकास पॅनलचे उमेदवार व शिवसेना शिंदे गटाकडून चोपडा येथे कृषी उत्पन्न बाजार समितीचे सभापती म्हणून नरेंद्र वसंतराव पाटील गरताडकर यांची निवड झाली व उपसभापती म्हणून विनायकराव चव्हाण यांची निवड करण्यात आली. प्रसंगी शिंदे गटाचे माजी आ. चंद्रकांत सोनवणे व विद्यमान आ. लताताई सोनवणे हे उपस्थित होते.
मागिल अनेक वर्षांपासून राष्ट्रवादी काँग्रेसची एक हाती सत्ता कृषि उत्त्पन्न बाजार समितीत होती. राष्ट्रवादी काँग्रेस मध्ये दोन गट निर्माण झाले होते. ह्याच संधीचा फायदा घेत शिंदें गट (शिवसेना) ह्यांनी आपले उमेदवार उभे केले असता व सर्व साधारण शेतकरी कुटुंबातील उमेदवार दिल्या मुळे मतदारांनी विश्वास ठेवून मतदान केले. त्यात शिवसेना शिंदे गटाचे नऊ तर राष्ट्रवादीचे दोन्ही गट मिळून नऊ असे समान उमेदवार निवडून आले होते. परंतु सभापतीची माळ नेमकी कोणाच्या गळ्यात पडते याबद्दल जनतेत उत्सुकता होती. परंतु शिवसेना शिंदे गटातीलच सभापती होईल असे निश्चित होते.
कारण राष्ट्रवादी काँग्रेसच्या दुसऱ्या गटाला उपसभापती पद मिळेल अशी चर्चा होतीच आणि त्यानुसार उपसभापतीची माळ विनायक रामदास पाटील यांच्या गळ्यात पडली.यावरून मतदारांना ही बदल हवा होता असे चित्र समोर आले आहे. यावेळी विश्रामगृहावर सभापती उपसभापती निवड ठिकाणी रोहित निकम, ऍड घनश्याम पाटील, माजी आ. कैलास पाटील, कृषि उत्त्पन्न बाजार समितीचे माजी उपसभापती नंदकिशोर पाटील, नितीन पाटील, सुकलाल कोळी, पंचायत समितीचे उपसभापती एम व्ही पाटील, कृषी उत्पन्न बाजार समितीचे संचालक सुनील भुरड, अनिल पाटील, घनश्याम अग्रवाल, सुनील अग्रवाल, गोपाल पाटील, कांतीलाल पाटील आदी शिवसेना, राष्ट्रवादी काँग्रेसचे अनेक पदाधिकारी उपस्थित होते.
