जळगाव ( प्रतिनिधी ) – नवीन बसस्थानकाच्या बाजूला भजी गल्लीतून मोटारसायकल चोरणाऱ्या आरोपीला जिल्हापेठ पोलिसांनी कासामवाडीत अटक केली आहे. त्याच्याकडून चोरीची मोटारसायकल हस्तगत करून जिल्हापेठ पोलिस ठाण्यात गुन्हा दाखल करण्यात आला आहे.
गुलशन अशोक कुमार (वय-३४ , रा. सिंधी कॉलनी) यांची मोटारसायकल (MH 19 AW 7088 भजे गल्लीत मंगळवारी दुपारी पार्किंग केली होती ती अज्ञात चोरट्यांनी चोरून नेली होती जिल्हापेठ पोलिस ठाण्यात गुन्हा दाखल करण्यात आला होता गुन्हा दाखल होताच पोलिसांनी तपासाची चक्रे फिरवली
पो.नि. रामदास वाकोडे यांच्या मार्गदर्शनाखाली तपास पथकाने चोरटा मनिश अमरसिंग राठोड (वय-२६, रा. टिटवे ता. सोयगाव, जि. औरंगाबाद) याला कासमवाडी परिसरातून मोटारसायकलसह अटक केली आहे. पोहेकॉ सलीम तडवी व गुन्हे शोध पथकातील पो. ना. गणेश पाटील, पो.हे.कॉ. महेंद्र पाटील, पो.कॉ. समाधान पाटील, पो.कॉ. रविंद्र साबळे, पो.कॉ. विकास पहुरकर आदींनी तपासात सहभाग घेतला.
