जळगाव ( प्रतिनिधी ) – गिरणा टाकीजवळील हॉटेलचालकाला कारण नसतांना दारूच्या नशेत चार जणांनी बेदम मारहाण व दुखापत केली आहे. ही घटना सीसीटीव्हीत कैद झाला आहे. याबाबत सोमवारी २१ मार्च रोजी रामानंदनगर पोलीस ठाण्यात चार जणांविरोधात तक्रार दाखल करण्यात आली आहे.
भावेश रवींद्र जगताप (वय-२१ , रा. यशवंत नगर ) याचे रामानंद नगरातील गिरणा टाकीजवळ सनराईज हॉटेल आहे. १७ मार्चरोजी सायंकाळी भावेश जगताप हॉटेलवर असतांना निलेश प्रदीप कोळी, वरुण सुनील भाकरे, कुणाल नाना पाटील आणि स्वप्नील मधुकर कोळी (सर्व रा. मुन्सिपल कॉलनी ) त्याठिकाणी दारू पिऊन आले व कारण नसताना दारूच्या नशेत भावेशला शिवीगाळ करून चापटाबुक्क्यांनी मारहाण केली. काहींनी काऊंटरवरील काचेचे ग्लास भावेशला मारून फेकले आणि जिवे ठार मारण्याची धमकी दिली. हा प्रकार सीसीटीव्हीत कैद झाला आहे. २१ मार्च रोजी भावेश जगताप याने रामानंदनगर पोलिस ठाण्यात तक्रार दिली आहे. रामानंदनगर पोलीस ठाण्यात निलेश कोळी, वरुण भाकरे, कुणाल पाटील आणि स्वप्नील कोळी विरोधात गुन्हा दाखल करण्यात आला आहे.
