जळगाव(विशेष प्रतिनिधी) – सुमारे सहा हजार वर्षांपूर्वी प्रभू शिवांनी राम काळात म्हणजेच त्रेतायुगात घेतलेला नटराज अवताराची तसेच आपल्या निवासाने दक्षिण भारताला (दक्षिण भारत हा गुजरात, महाराष्ट्र, मध्य प्रदेश, छत्तीसगड, बिहार या राज्यां पासून ते पार तामिळनाडू रामेश्वरम पर्यंत आहे.) पावन करणारे परोपकारी ऋषी महर्षी अगस्ती महाराजांचे दक्षिण भारतात मोठमोठी भव्यदिव्य आश्रम असून, त्यांची समाधी आपल्या जळगाव जिल्ह्यातील चोपडा तालुक्यातील लासूर गावापासून दोन किलोमीटर वर सातपुड्याच्या कुशीत आहे.
ही महत्त्वाची माहिती संपूर्ण भारतातील कलाकार मंडळी तसेच प्रदोष व्रत करणारे नटराज व श्री अगस्ती महर्षींच्या भक्तांना प्रकट करणारा “नटराज अवतार व श्री महर्षी अगस्ती महाराज समाधी कथा” हा ग्रंथ शिवसुत पंकज आधार महाजन करवी प्रभू भोलेनाथांनी आपली कृपा करून प्राकृत भाषेत लिहून घेतला. या ग्रंथाद्वारे भक्तांना सर्व कलाकारांचे ईश्वर नटेश्वर यांनी कधी कुठे? व का अवतार घेतला? शिष्य श्री महर्षी अगस्ती महाराजांनी लासुर क्षेत्रीच का समाधी घेतली? प्रदोष व्रताचे वृत्ती भक्तांसाठी हे तीर्थक्षेत्र कल्पवृक्षासम मनोकामना पूर्ण करणारे कसे आहे? या सर्व प्रश्नांची उत्तरे तसेच प्रभू शिव – प्रभूरामांच्या प्रेमाची साक्ष देणारे हे तीर्थक्षेत्र असल्यामुळेच श्री महर्षी अगस्ती महाराजांनी तत्कालीन देह येथे समाधी रूपाने त्यागिला होता. ही सर्व दुर्मिळ व भक्तीयुक्त माहिती या ग्रंथाद्वारे मिळणार आहे. प्रभू श्रीरामांचा कैलास पर्वत व काशीक्षेत्रा नंतर दंडकारण्यातील लासूर या तीर्थक्षेत्री माता पार्वती सोबत प्रभु श्रीरामांची जीवनलीला तन-मन-भान हरपून राम प्रेमात एकरूप होण्यासाठी संपूर्ण रामप्रभू च्या जीवन काळापर्यंत निवास होता. असो या नटराज स्वामींची महती प्रकट करणाऱ्या या ग्रंथाचे प्रकाशन सोहळा ऋषिपंचमी या पवित्र तिथीला महामंडलेश्वर स्वामी श्री जनार्दनस्वामीजी महाराज यांच्या शुभहस्ते फैजपूर येथे लासुर येथील सरपंच किशोर सुखदेव माळी, तंटामुक्ती अध्यक्ष व मुख्याध्यापक एके गंभीर सर, उपाध्यक्ष उपेंद्र साहेबराव पाटील, लासुर राम मंदिर संस्थानचे गादीपती रमेश महाजन तसेच मोहन अंबिकाप्रसाद तिवारी(ग्राहक संरक्षक कक्ष सदस्य) निरंजन भालचंद्र चौधरी ( हिंदू विधीज्ञ परिषद सदस्य) अविनाश सुभाष शिंपी( बजरंग दल महानगर कार्यकारणी सदस्य) राजेंद्र देविदास नंनवरे( महानगर धर्म प्रसार प्रमुख) जळगाव समाज सेवक अशोकदादा लाड वंजारी, भिकन देवराम महाजन, दीपक आधार महाजन, धर्मेंद्र गोरखनाथ महाजन यांच्या उपस्थितीत संपन्न झाला.
सर्व भाविक तसेच भक्तांनी शिव रामाच्या प्रेमाचे प्रतीक नटेश्वर तीर्थक्षेत्री जाऊन सर्व दोष दूर करणारे व सर्व सुख देणारे नटराज स्वामी व सर्व्यात महानतम ऋषी अगस्ती महाराजांची कृपा प्राप्त करावी असे आवाहन पंकज महाजन यांनी केशरीराज सी बोलतांना केले.
