जळगाव ( प्रतिनिधी ) – जळगाव शहरातील गणेश नगरातील गंगा अपार्टमेंट येथे अज्ञात माथेफिरूनी मध्यरात्री दोन वाहन जाळून नुकसान केल्याची घटना समोर आली आहे. याप्रकरणी गुरूवार २० ऑक्टोबर रोजी सायंकाळी ५ वाजता अज्ञात अज्ञात माथेफिरूंवर जिल्हापेठ पोलीस स्टेशनला गुन्हा दाखल करण्यात आला आहे.
सूत्रांनी दिलेली माहिती अशी की, संतोष शामलाल कुकरेजा ( वय – ४६) रा. गंगा अपार्टमेंट, गणेश नगर, जळगाव हे आपल्या कुटुंबियांसह राहायला आहे. गुरुवार २० ऑक्टोबर रोजी मध्यरात्री २ वाजेच्या सुमारास अज्ञात माथेफिरूंनी अपार्टमेंटच्या खाली लावलेली चारचाकी वाहन (क्रमांक – एमएच १९ एएक्स २८१४) आणि दुचाकी ( क्रमांक – एमएच १९ एजे ७११४) यांच्यावर पेट्रोल टाकून आग लावून दिल्याची घटना घडली आहे. स्थानिक रहिवाशींनी आग लागल्याचे कळताच त्यांनी घटनास्थळी धाव घेवून तातडीने आग विझविण्यासाठी प्रयत्न केले. या आगीत दोन्हीं वाहनांचे मोठे नुकसान झाले आहे, संतोष कुकरेजा यांनी दुपारी ४ वाजता जिल्हापेठ पोलीस स्टेशनला तक्रार दिली. त्यांच्या तक्रारीवरून अज्ञात माथेफिरूंवर जिल्हापेठ पोलीस स्टेशनला गुन्हा दाखल करण्यात आला आहे. पुढील तपास पोलीस नाईक युनूस तडवी करीत आहे.
