जळगाव ( प्रतिनिधी ) – नगरदेवळा – बाळद जिल्हा परिषद राष्ट्रवादी गट व गुलाबराव देवकर मल्टीस्पेशालिटी वैद्यकीय व आयुष्य रुग्णालयातर्फे शिवजयंतीनिमित्त येत्या रविवारी (दि. 27) सरदार एस के पवार हायस्कूल येथे मोफत आरोग्य तपासणी शिबिराचे आयोजन करण्यात आले आहे. सकाळी दहा ते दुपारी दोन वाजेपर्यंत हे शिबिर सुरू राहणार आहे.
या शिबिरात डायबिटीज, ब्लडप्रेशर, थायराइड, लहान मुलांचे आजार, महिलांच्या गर्भपिशवीचे आजार, मासिक पाळी संबंधीच्या समस्या, महिलांच्या स्तनाचे आजार, पोटाचे आजार, मुळव्याध भगंदर, आतड्यांचे आजार, अशक्तपणा, घेरी येणे, डोळ्यांचा लालसरपणा, नजर कमी होणे, डोळ्यातून पाणी गळणे, यासह डोळ्यांचे विविध आजार, मोतीबिंदू, हिरड्यांचे आजार, स्नायुंचे दुखणे, गुडघे व सांधेदुखी संबंधी आजार, अशा विविध आजारांची मोफत तपासणी होणार आहे.
सर्व आजारांची तपासणी तज्ञांकडून केली जाणार आहे. डॉ मनोज पाटील (न्यूरोसर्जन), डॉ. वैभव गिरी ( स्त्री रोग तज्ञ), डॉ. अमित भंगाळे (किडनी विकार तज्ञ), डॉ. तेजस पाटील (अस्थिरोग तज्ञ), डॉ श्रीराज महाजन (प्लास्टिक सर्जन), डॉ. प्रियंका पाटील ( स्त्री रोग तज्ञ), डॉ. अतुल भारंबे (कॅन्सर सर्जन), डॉ स्वप्नील गिरी (बालरोग तज्ञ), डॉ. अनुश्री व्ही (फिजिशियन), डॉ. अतुल सोनार (पॅथॉलॉजिस्ट), डॉ. अभिजीत पाटील (अस्थिरोग तज्ञ), डॉ. अमित नेमाडे (फिजिओथेरपिस्ट), डॉ. नीरज चौधरी (मूत्र विकार तज्ञ), डॉ. अश्विनी चव्हाण (दंतरोग तज्ञ), डॉ रोहन पाटील (जनरल सर्जन), डॉ. अनंत व्ही पाटील (पंचकर्म तज्ञ) व डॉ. वृषाली पाटील (नेत्ररोग तज्ञ) हे रुग्णांची तपासणी करणार आहेत. नगरदेवळा – बाळद परिसरातील नागरिकांनी या मोफत आरोग्य तपासणीचा लाभ घ्यावा, असे आवाहन देवकर रूग्णालय प्रशासनातर्फे करण्यात आले आहे.
