चोपडा ( प्रतिनिधी ) – चोपडा तालुक्यातील गरताड गावात बंद घर फोडून अज्ञात चोरट्याने २ लाख ८५ हजार रुपयांची रोकड , सोन्याचे दागिने असा मुद्देमाल चोरला आहे. याबाबत चोपडा शहर पोलीस स्टेशनला अज्ञात चोरट्यांवर गुन्हा दाखल करण्यात आला आहे.
याबाबत अधिक माहिती अशी की, केशरलाल मोतीलाल पाटील (वय 46 रा. गरताड ता. चोपडा ) हे आपल्या कुटुंबियांसह राहायला असून खाजगी नोकरी करून आपघरखर्च चालवितात. १९ ऑक्टोबर रोजी मध्यरात्री अज्ञात चोट्यांनी त्यांच्या बंद घरातून २ लाख ८५ हजार रुपये किमतीचे सोन्याचे दागिने व रोकड असा मुद्देमाल चोरल्याची घटना २० ऑक्टोबर रोजी पहाटे साडेचार वाजेच्या सुमारास समजले. याबाबत केशरलाल पाटील यांनी तातडीने चोपडा शहर पोलीस स्टेशनला तक्रार दिली. त्यांच्या तक्रारीवरून अज्ञात चोरट्यांवर गुन्हा दाखल करण्यात आला आहे. पुढील तपास पोलीस उपनिरीक्षक घनश्याम तांबे करीत आहे.
